أعتذر لطول الغياب .. فقد كنت أعانى من أحدى حماقات الكمبيوترالخاص .. أظاهر أنه كان ناوى ينتحر .. لانه مل منى .. المهم الحمد لله أنقذته فى أخر لحظه
وتم أجراء عمليه جراحيه له .. لاستبدال كارت الشبكه وتمت العمليه بنجاح وأعيش وأخذ غيرها .. المهم
هذه فكره من زميل أرسلها ضمن التعليقات على موضوع الادارى الناجح والادارى الفاشل ولقد رأيت أن أعرضها على أحباء كزد فى الصفحه الاولى ونرى هل هى ممكنه التطبيق .. وأنا بحيى الزميل على فكرته وبتمنى أنى أتناقش معه مباشره وأتعرف عليه فأرجو منه محاوله الأتصال بى عبر الياهوو الخاص بالمدونه وسأكون على الخط وفى أنتظاره كل يوم من الساعه 11 مساء
وأليكم أقتراحه بالنص
--------------
غير معرف يقول...
أنا عندى فكره كويسه عايز اعرضها عليك وعلى كل اللى قالوا لا للبيع ليه منستغلش نجاحنا لما وقفنا وقفه رجاله وقلنا لا للبيع ونتلم ونتكتل ونتفق على مين اللى يمثلنا فى اتحاد المساهمين ومجلس الاداره والنقابه حتى مجلس اداره الجمعيه التعاونيه وكفايه انضحك علينا كتير بس احنا دلوقت اظن بقينا فاهمين انا عايزك تفكر فى الاقتراح ده وتحاول تطوره وتستغل شعبيتك الحاليه وشعبيه المدونه وتقودنا فى اتجاه التكتل من اجل فرض من يمثلنا فعلا بس بشروط ويكون لنا لتكتلنا قائمه مرشحين تدعمها المدونه ونسمى قائمتنا (قائمه احباء كزد) ونعمل المستحيل علشان ننجحهم مااحنا عملنا المستحيل ضد البيع ونجحنا فكر فى الموضوع بهدوء ورويه حتلاقى كلامى صح وممكن ... وفى اتظار رايك وتحياتى لكل احباء كزد 12 يونيو 2008 38 : 5 .م
أنا عندى فكره كويسه عايز اعرضها عليك وعلى كل اللى قالوا لا للبيع ليه منستغلش نجاحنا لما وقفنا وقفه رجاله وقلنا لا للبيع ونتلم ونتكتل ونتفق على مين اللى يمثلنا فى اتحاد المساهمين ومجلس الاداره والنقابه حتى مجلس اداره الجمعيه التعاونيه وكفايه انضحك علينا كتير بس احنا دلوقت اظن بقينا فاهمين انا عايزك تفكر فى الاقتراح ده وتحاول تطوره وتستغل شعبيتك الحاليه وشعبيه المدونه وتقودنا فى اتجاه التكتل من اجل فرض من يمثلنا فعلا بس بشروط ويكون لنا لتكتلنا قائمه مرشحين تدعمها المدونه ونسمى قائمتنا (قائمه احباء كزد) ونعمل المستحيل علشان ننجحهم مااحنا عملنا المستحيل ضد البيع ونجحنا فكر فى الموضوع بهدوء ورويه حتلاقى كلامى صح وممكن ... وفى اتظار رايك وتحياتى لكل احباء كزد 12 يونيو 2008 38 : 5 .م
---------------
والى الزميل صاحب الفكره أرجو أن تتابع تعليقات الزملاء على أقتراحك .. لانها فكرتك .. وحاول تطورها معهم .. وقود أنت .. وأدعو للتكتل لأنك صاحب الفكره .. وتعلم ماذا تريد بالضبط .. وأنا معك .. ولن أتدخل الا برأيى فقط .. ورد أنت أيضا على تعليقات الزملاء الخاصه بالموضوع بأسم ( صاحب فكره التكتل ) وياريت فيه منك 10 بس فى كزد .. ولك منى تمنيات خالصه من القلب بنجاح فكرتك
وصباح الفل يا كزد
هناك 28 تعليقًا:
فكره جميله فعلا حتى لايمثلنا اليوم من سيبيعنا غدا
ومن التجارب السابقه فى جميع التشكيلات العماليه الخدميه..كنا نفاجأ بنجاح من كنا نتوقع سقوطهم لان معظم الزملاء كانوا يختارون بأسلوب عاطفى ليس للعقل فيه مكان
اى ينتخبون من يؤدى واجب العزاء ومن يشارك فى الافراح وزياره الزملاء المرضى اكثر من مره حتى تمل منهم اسره المريض ومن يتوسط لزميل عند الطبيب ليكتب له علاج معين او ليحوله الى اخصائى معين
هؤلاء من يحصلون على ثقه الزملاء
الناخبين فى جميع التشكيلات العماليه
انا لا اقصد تهبيط همتكم ولكن انا ارى ان الموضوع صعب وللعلم انا معكم ومع قائمه احباء كزد قبل ان تولد
ولكل من يساهم فى هذه المدونه التحيه والاحترام وشكرا
انا موافق على فكره الزميل لكن هذا موضوع فى حاجه للتخطيط وكيف سنتفق على مرشحينا وكيف نتحاشى الاختلاف
وحتى نعطى لقائمه احباء كزد قوه يجب ان يكون من شعاراتنا الرئيسيه
(احنا اللى وقفنا وقفه رجاله ضد البيع) الموضوع ليس هين
ولكم التحيه
حنظله
ياايها الاخوه الكاذتاوية ارجوكم اختارم واحد محترم للفرن يكون عايز ياكل عيش مش ياكل فطير.....ولااكلكم عندى اقتراح احنا نعتبر ان الفرن دة قسم من الاقسام ونعيلنة عمال تشغلة للعمال فقط ونخدم حصة العمال فى الدقيق فقط ونقفل الفرن ويتم نقلة داخل الشركة ويتم تشغلية للعمال فقط
صبح صبح ياعم الحاج
انتم قصدكم ايه بالظبط
مين حيتكتل مع مين
انت منزلتش راى وتعليقى على العيادة لية احب اعرفك انى صاحب مقالة الفرق بين الادارى الناجح والادارى الفاشل
........ارجوا منك عرض راى فى الاخ محمد الشعراوى والعيادة...هى المدونه دى مش بتعتنا كلنا آيهٌ...؟
متشوفوا الاول مشكله الفرن وبعدين تتكلموا عن التكتل
وللعلم مشكله الفرن فى مجلس اداره الجمعيه اللى واكلينا
انا عايز افهم انت منشرتش تعليقى على محمد الشعراوى لية هو بيجبلك فيجرا ولا اية ارجوا النشر حتى استطيع المتابعة معك
انا اتوجة بالتهنئة الى الزميل خميس بريقع لزواج نجلة وربنا يتمم علية بخير اخيك محمد عطية
انا اوافق على ان ندعوا نحن (الذين قالوا لا للبيع)
ان ندعوا للتغيير التام ومحدش يقولى ان مفيش حد ينفع والتغيير الذى اقصده هو تغيير كل الاطقم الموجوده لان عمرهم الافتراضى انتهى . انتم عارفين ان مجرد التغيير سيعطى قوه دفع للنقابه واتحاد المساهمين حتى الجمعيه التعاونيه اديكم شايفين كلكم الفرن وجماله وجمال عيشه
ده احنا فى نعمه اللى احنا منتخبينهم مش عارفين يشغلوا الفرن والافران كلها شغاله الا فرننا اصلهم مش لاقيين الكتالوج
وده طبعا شىء نشكر عليه مجلس اداره الجمعيه
عرفتم ليه ادعوكم للتغيير
الموقع ده جميل جدا خلانى افضفض
ده انا حفضفض فضفضه
وتحياتى وساتابع
اخيكم المعملاوى
والله ياجماعه انتم بتتكلموا حلو قوى بس حتقدروا مش عارف اشك وادينى متابع
الموضوع معكم ونشوف حنوصل لايه
بمسى على الجميع
الروفيماوى
أين الزميل صاحب الاقتراح لماذا لا يرد على تعليقات الزملاء التى تبشر بالخير
وتشجع أين أنت ياصاحب الفكره
النقاش الدائر جميل رغم بطئه
وأنا متابع
الكربوننى فين المواضيع الجديدة يوجد تسائولات فين الجديد
انا موافق على فكره التكتل وحتى يتضح ماذا سنفعل وكيف .. يجب علينا من الان الدعوه بين جميع الزملاء باننا يجب ان نجدد جميع الاطقم ونشير الى من انتخبناهم واعطيناهم اصواتنا ولم نسمع لهم صوت حتى النقابه نايمين فى العسل
احنا مش عايزين خدمات جديده .. بس يجيبوا لنا حقنا فى الخدمات الموجوده
انا لسه جاى من المصيف ومستواه هذا العام زى الزفت ربنا ينتقم من الذين تعاقدوا عليه وممن حضر هذا التعاقد ووافق عليه
وشكرا.. ولمن انشأ هذا الموقع التحيه والتقدير والتوفيق
انتاجاوى
انت حتفضلوا تتكلموا كده كتير اتفقوا على اى شىء وانا معاكم
حتى اللى ننتخبهم احنا حنعرف نكلمهم على فرننا العطلان .. ياعالم الفرن يتشغلوه زى الناس ياما تروحوا فى ستين داهيه تاخدكم
يسقط مجلس اداره الجمعيه
المعملاوى
انا موافق على اى حد نختاره المهم لا يكون بينهم احد من الموجودين حاليافلقد نفذ رصيدهم وعمرهم الافتراضى انتهى -- وعمر بعضهم انتهى قبل ان يبدا
نويتم على ايه
وسلمولى على الحبايب
والسلام حتى نتفق
ياجماعه انتم تركتم الموضوع الرئيسى وهو موضوع التكتل وقاعدين تتكلموا على الفرن والمصيف وشويه حتدخلوا على العياده الموضوع الان هو امكانيه التكتل حننجح ولا لا هذا هو الموضوع
عايزين نركز
اما مواضيع الفرن والمصيف وخلافه عمرها ما حتتحسن طول مااحنا مبندورش على حقوقناالمقرره لنا
انا عجبانى فكره تكتل كل من قالوا لا للبيع ونفسى ننجح
وانا معكم بس نخلص من العالم دى
واقدم التحيه والتهنئه لصاحب الموقع
اخيكم الكبريتى
ياجماعه انا متابع النقاش منذ مده ومش لازم نغلط فى اى حد ولازم نوضح للكل
اقصد كل الزملاء الاعزاءالذين يمثلوننا ( النقابه ورئيسها ) ( والجمعيه ورئيسها )
( واتحاد المساهمين ورئيسه )
ولازم نوضح لهم
اننا اصلا مش وش نعمه
نظرا لأن النعمة فاقت حدها
ولأننا مش قدها
ولأن فعلا انجازاتكم
فوق طاقتنا نعدها
ولأننا غرقنا في جمايل
مستحيل حنردها
نستحلفكم ....... نسترحمكم
نستعطفكم .......نستكرمكم
ترحمونا من طلعة جنابكم
حبتين
عايزين نجرب خلق تانية
ولو يومين
اسمعوا بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينكم
احنا عمال فقر ومنستهلش جناتكم
( من قصيده للشاعر الكبير احمد فؤاد نجم بتصرف )
وبس خلاص
وانا مع الفكره ومع صاحب الفكره ومع الذى نشر الفكره
ولكم تحياتى
واحد مبيفهمش
السلام عليكم أيها الزملاء الاعزاء
وسلام خاص لمن انشأ هذا الموقع انا متابع الموقع منذ فتره كبيره وقرأت كل موضوعاته وكلها جميله ومفيده
لكن أهم حاجه دلوقت ياجماعه هو موضوع الفرن واحب اقول لكم ان المسؤلين عن الفرن والجمعيه يقدروا يحلوها لو ارادوا
يعنى مثلا الحاج سيد الشرقاوى رئيس مجلس اداره الجمعيه وامين الحزب الوطنى السابق ميقدرش يتدخل ويلغى الوقف الشهر يقدر بعلاقاته واتصالاته لانه كتله اتصالات ويعرف حتى طوب الارض
وممكن باتصالاته يجيب لنا نحن العمال حصه تكفينا جميعا وتباع فى الجمعيه
مش معقول ان المحافظ عايز يعاقب عمال الشركه المفروض يعاقب مدير الفرن المسؤول احنا زمبنا ايه
وفين رئيس النقابه ولا مش حيرشح نفسه المره دى
ومره اخرى تحياتى لمنشىء الموقع ايا كان
الحسابات
اناعايز اقول حاجه
كيف يستمر مجلس اداره الجمعيه كل هذه السنين بدون انتخابات وكيف ايضا يستمر العاملين فى الجمعيه كل هذه السنين بدون تغيير
مش معقول علشان همه خبراء
انالااطالب بتغييرهم لاى سبب والعياذ بالله
انا بطالب بتغييرهم خوفا عليهم وقبل ان يطولهم اى فساد
لان الانسان لما يستمر مده طويله فى مثل هذه الاماكن بيزداد خبره بالمكان ودهاليزه وبيصبح قادر على اللف والدوران والتحايل والسرقه بالقانون واللوائح لذلك انا اطالب بتغيير طاقم العاملين بالجمعيه مع كل دوره انتخابات
ايه رايكم انا بتكلم صح ولا ايه
ولكم جميعا تحياتى
واحد مبيفهمش
الأخوه الزملاء أحباء كزد
من الواضح أن الزميل صاحب فكره التكتل لا يرغب فى أداره النقاش أوالرد
ومن الواضح أيضا أنه ألقى لنا بفكرته الجميله وتركنا نتناقش
بس على فكره المناقشات جميله وبها أفكار
وتساؤلات قيمه فأرجو أن تستمر نقاشاتكم وتساؤلاتكم فجميل أن يقرأ كل منا أراء الأخرين ويتفاعل معها
ويستفيد منها وسنستفيد منها أيضا
وسنتابع معا
انتم تعبتونى والله انا بقالى ساعه بقرأ التعليقات ولفيت فى الموقع كله احلى حاجه موضوع زويل جبتها ازاى دى حتابع غدا وابقى اقول لكم رأيى
زميل جديد
وابقى كبر لنا بنط كتابه التعليقات احسن عينى وجعتنى والكلام صغير جدا
وشكرا ياواحد من العمال
زميل جديد
موضوع التكتل المفروض يبقى أهم حاجه نتكلم فيها ويبقى له الاولويه علشان بصراحه قفانا ورم
ولابد ننقذ قفانا لانه للاسف الذين يتعاملون مع أقفيتنا هم زملائنا الذين للأسف أخترناهم
مش أحنا برضه الذين انتخبنا القلعاوى الذى كان يريد تدمير الاتحاد لانه قرب يطلع معاش
ونحن ايضا من انتخبنا رئيس الاتحاد الذى تواطأ معهم
لازم نصحا يابشر
ولكم تحياتى
واحد مبيفهمش
ايه الجمال ده برافو عليكم
انا فرحان بيكم
ربنا يحميكم
زميل
انا قرات كل الذى كتبتوه ومبسوط جدا من الذى تفعلوه وانا موافق على التكتل المفترح من اجل التغير وربنا معاكم
الفكرة كويسةبس ياريت ننفذونتفق على تغير جميع المجالس المنتخبةوشكرا .
ياجماعه الموضوع مهم جدا لكن فيه زملاء ليس لديهم اى فكره عن مناقشاتكم عن التكتل من اجل التغيير
لازمالاول نعرف الزملاء بالموقع وكيفيه التعامل معه ولكم تحياتى
الهيدكربون
رنا معاكم وشدوا حيلكم
لازم نغير الكل بدون استثناء
وانا عن نفسى لن انتخب اى حد من القدام كفايه بقى
إرسال تعليق